«Berdaq kúnleri»

Ózbekstan Respublikası Prezidentiniń 2022-jıl 27-maydaǵı «Muzeylerde xızmetler tarawın rawajlandırıw ilajları haqqında»ǵı qararınıń 8.5-bántinde hár jılı mámleketlik muzeylerge xalıqtan satıp alınǵan mádeniy baylıqlar kórgizbesin shólkemlestiriw haqqındaǵı wazıypalar belgilengen. Sol múnásibet penen muzeyde «Berdaq kúnleri» hapteligi sheӊberinde ótkerilip atırǵan ilajlardıń biri-Ózbekstan xalıq xudojnigi S.Baybosınov, Qaraqalpaqstan xalıq xudojnikleri, Berdaq atındaǵı sıylıqtıń laureatları Q.Berdimuratov hám B.Aytmuratov, jas xudojnik Q.Xojamuratovlardıń shıǵarmaları kórgizbesi menen dawam etti. Kórgizbede xudojniklerdiń milliy koloritke bay, milliy mádeniyatımızdı, tábiyatımızdı, tariyxımızdı sóz etiwshi shıǵarmaları orın alǵan.