«KÓRNEKLI ShAYÍR, JAZÍWShÍ HÁM ALÍM»
- Muzeyde Qaraqalpaqstan Respublikasına miyneti sińgen mádeniyat xızmetkeri, Qaraqalpaqstan xalıq jazıwshısı Ádenbay Tájimuratovtıń 95 jıllıǵına baǵıshlanǵan ádebiy saz-sáwbetli keshe bolıp ótti. Jazıwshı, shayır, awdarmashı, alım, jámietlik isker, qaraqalpaq awızeki ádebiyatınıӊ rawajlanıwına óz úlesin qosqan kórnekli insan Á.Tájimuratovqa baǵıshlanǵan keshede professor oqıtıwshılar, shayırdıń áwladları hám student jaslar qatnastı. Ilajda f.i.k., professor M.Bekbergenova, f.i.k. A.Prekeeva, ÓzIA Qaraqalpaqstan bólimi ilimiy xızmetkeri P.Palımov, Ózbekstan mámleketlik konservatoriyası, Nókis filialı oqıtıwshısı, kompozitor B.Allaniyazov, QMU janındaǵı akademiyalıq liceydiń oqıtıwshısı P.Dalievalar Á.Tájimuratovtıń dóretiwshiligi haqqında bayanatlar jasadı.
- Ilajda Á.Tájimuratov shıǵarmalarınıń ráń-báreńligi, ádebiyattanıw ilimindegi miynetleri haqqında, súyikli qosıǵımız, qaraqalpaq xalqınıń «gimn»ine aylanǵan «Aydınlar» qosıǵınıń jazılıw tariyxı haqqında sóz etildi. Keshe sońında baqsılarımız tárepinen xalıq kosıklarınan atqarılıp, oqıwshılar tárepinen Á.Tájimurtovtıń qosıqların kórkemlep oqıw menen juwmaklandı.
