​KITAP JAŃALÍǴÍ

Berdaq atındaǵı Qaraqalpaq ádebiyatı tariyxı mámleketlik muzeyi direktorı, jazıwshı, shayır, publicist, Qaraqalpaqstan Respublikasına miyneti sińgen mádeniyat xızmetkeri Shárigúl Payzullaevanıń «JAQSÍ SÁWBET JAN AZÍǴÍ» atamasındaǵı kitabı jarıq kórdi. Kitapta insannıń insanǵa bolǵan mehiri, insan ómiriniń sınaq ekenligin , sınawlardan, uzaq jollardan ibarat ekenligin , onıń bálent asırımları, belesleri, qıyınlı-qıstawlı ótkelleri bolatuǵınlıǵın, sol sınaqlardan sabır-taqaatı menen gózlegen mánziline jetetuǵınlıǵın, maqsetine erisetuǵınlıǵın tereń jetkizedi. Bul kitap xalqımızdıń dańqın tanıtıp, mártebesin kóteriwge uzaq ásirler dawamında xızmet etip kelgen milliy miyrasları, insannıń bir-birine bolǵan izzet-húrmeti, qádir-qımbatınan tuwılǵan jaqsı pazıyletleri haqqında sáwbet quradı.