​«SÓZDEN MARJAN DIZGEN TÓKPE ShAYÍR»

Berdaq atındaǵı Qaraqalpaq ádebiyatı tariyxı mámleketlik muzeyinde qaraqalpaq poeziyasınıń iri wákilleriniń biri, Ózbekstan hám Qaraqalpaqstan xalıq shayırı, Berdaq atındaǵı mámleketlik sıylıqtıӊń laureatı, xalıq júreginen tereń orın alǵan talantlı tókpe shayır Tilewbergen Jumamuratovtıń 110 jıllıǵına arnalǵan «Sózden marjan dizgen tókpe shayır» atamasındaǵı ádebiy eslew keshesi bolıp ótti. Keshede Qaraqalpaq mámleketlik universitetiniӊ professor-oqıtıwshıları, shayırdıń shańaraq aǵzaları, student-jaslar hám mektep oqıwshıları, muzey xızmetkerleri qatnastı. Ilajdı muzey direktorı Sh.Payzullaeva ashıp berdi hám shayırdıń ómiri, dóretiwshiligi, joqarı adamgershilikli páziyletleri xaqqında jıynalǵanlarǵa aytıp ótti. Keshede QMU professorı f.i.d. G.Qarlıbaeva, QMU oqıtıwshısı G.Janibekovalar óz bayanatları menen shıǵıp sóyledi. Keshe sońında QMU kórkem-óner fakulteti studentleri tárepinen atqarılǵan qosıqlar hám Xojeli rayonı №32 sanlı mektep oqıwshılarınıń tayarlaǵan sahnalıq kórinisleri tamashagóylerde joqarı keypiyat payda etti.