Muzeyimiz jańa eksponatlar menen tolıspaqta

Muzeyimiz qaraqalpaq ádebiyatı tariyxın sóz etiwshi, xalqımızdıń bay ádebiyatın, qaraqalpaq awızeki ádebiyatı bolǵan folklordan baslap, erte dáwirdegi ádebiyat hám búgingi kúnge shekemgi biziń jazıwshı-shayırlarımızdıń, jurnalistlerimizdiń, dramaturglermizdiń, sonday-aq, ádebiyat maydanında ilimge ózlerin baǵıshlaǵan ilim ǵayratkerleriniń de miynetleri muzeyimizde saqlanıp kelinbekte. Sonday insanlardıń biri Berdaq atındaǵı mámleketlik sıylıqtıń laureatı, satirik xám balalar shayırı Kóbeysin Ernazarovtıń da miynetleri muzey fondınan orın alǵan. Shayırdıń jaqında baspadan shıqqan «Arzańız tas kesedi», «Sorasqanda túbimiz bir aǵayin», «Dóretiwshi tulǵa», Ámiwdárya jurnalında shıqqan maqalaların muzeyimizge sawǵa retinde tapsırdı. Muzey jámááti atınan shayır Kóbeysin Ernazarov atamızǵa tapsırǵan kitapları ushın minnetdarshılıq bildirip qalamız!