ÓNERMENTLER KÓRGIZBESI

2-8-sentyabr aralıǵında Berdaq atındaǵı Qaraqalpaq ádebiyatı tariyxı mámleketlik muzeyinde «Muzeyler hápteligi» sheńberinde ótkerilip atırǵan gezektegi ilajı «Qolı gúl ónermentler muzeyimizde» atamasında bolıp, kórgizbe shólkemlestirildi. Onda ónermentler tárepinen islengen túrli naǵıslar menen bezelgen kesteshilik buyımları, toqımashılıq, gúlálshılıq, milliy úrp-ádetlerimizdi sáwlelendiretuǵın kórkem qollanbalar, sheber ónermentler jaratkan dóretpeler miymanlardıń itibarına usınıldı. Ilaj sońında belsene qatnasqan ónermentler «Hurmet jarlıǵı» menen sıylıqlandı.