​ǴÁREZSIZLIK MÁŃGI BOLSÍN

Berdaq atındaǵı Qaraqalpaq ádebiyatı tariyxı mámleketlik muzeyinde Ózbekstan Respublikası Ǵárezsizliginiń 34 jıllıǵına baǵıshlanǵan "Ǵárezsizlik máńgi bolsın" atamasında bayram keshesi bolıp ótti. Ilajdı muzey direktorı Sh.Payzulleva ashıp, bayram menen qutlıqlap, ǵárezsizlik jıllarında erisilgen jetiskenlikler, jańalanıwlar hám ózgerisler haqqında aytıp ótti. Bunnan soń Ózbekstan mámleketlik filarmoniyası Qaraqalpaqstan Respublikası bólimi kórkem óner sheberleri tárepinen ǵárezsizlik ruwxın jırlaytuǵın qosıqlar aytıp, jıynalǵanlarǵa ájayıp bayram keypiyatın baǵıshladı.

Ilaj kóterińki ruwxta hám jaqsı tilekler menen juwmaqlandı.