Muzeyimiz jańa eksponatlar menen tolıspaqta

Muzeyimizge ata-babalardan miyras arab jazıwındaǵı eski kitaplar kelip túsiwi dawam etpekte. Bul saparı bunday sawaplı iske Shomanay rayonı "Sarmanbay kól" APJ turǵını Yuldasheva Sánemjan apa eristi. Ol úyinde atasınan qalǵan bir neshe qoljazba hám baspa ádebiyatlardı muzeyimizge inam etti. Bulardıń mazmunı qoljazbalardan: Arab álipbesi hám mayda súreler kóshirilgen eski dápter, shıraylı nastalıq xatında jazılǵan «Iyman shártleri hám qırıq parız», baspa kitaplardan Qurannıӊ bólimlerge bólingen tolıq nusxası, «Qırq hádiys», Suwfı Allahyardıń «Sabatul-Ajiziyn» shıǵarması, «Nurnama», «Majmaul-abwab» atlı risala …

Óz gezeginde muzey jámaatı ájdadlar miyrasın saqlap qalıwǵa qosqan úlesi ushın Yuldasheva Sánemjan apaǵa minnetdarshılıq bildiredi.