Ekspediciya «Iyshan qala tariyxımızdan derek beredi»

Berdaq atındaǵı Qaraqalpaq ádebiyatı tariyxı mámleketlik muzeyi jámááti tárepinen «Iyshan qala tariyxımızdan derek beredi» atamasında sayaxat-ekspediciyası shólkemlestirildi. Oǵan Qaraqalpaqstan Respublikası Mádeniy miyras basqarması baslıǵı S.Baybosınov, muzey direktorı Sh.Payzullaeva, muzey xızmetkerleri, awıl turǵınları, ǵalaba xabar quralları wákilleri qatnasıp «Iyshan qala» tariyxıy kompleksi menen jaqınnan tanıstı. Sayaxat barısında tariyxshı –alım Ziywatdin Allanazarov «Iyshan qala» tariyxı haqqında maǵlıwmatlar berip ótti. Sayaxat dawamında qatnasıwshılar tariyxıy maǵlıwmatlarǵa ie bolıp, onı shólkemlestirgen muzey jámáátine minnetdarshılıq bildirdi.