Qutlıqlaymız

Usı jıldıń 24-fevral kúni I.V.Savickiy atındaǵı Qaraqalpaqstan mámleketlik kórkem óner muzeyinde respublikamızdıń muzey tarawınında ámelge asırılıp atırǵan jumıslar boyınsha ilaj shólkemlestirildi.

Ilajda Ózbekstan Respublikası Mádeniy miyras agentligi direktorınıń 1-orınbasarı T.Kuziev shıǵıp sóylep, tarawda ámelge asırılıp atırǵan reformalar, tarawdı rawajlandırıwda aldaǵı wazıypalar jóninde aytıp ótti.

Jáne de, ilajda T.Kuziev mámleketimizdiń mádeniy miyras hám muzeyler tarawına múnásip úlesin qosıp kiyatırǵan bir topar belsendilerdi agentliktiń «Húrmet jarlıǵı» menen sıylıqladı. Quwanıshlı tárepi, sıylıqlanǵanlar qatarında muzeyimizdiń bas fond saqlawshısı Z.Akimova hám úlken ilimiy xızmetker A.Idrisovlar bar. Biz de óz gezeginde sıylıqlanǵan kásipleslerimiz Z.Akimova hám A.Idrisovlardı qutlıqlap, aldaǵı jumıslarında tabıslar tilep qalamız. Sonday-aq, ilaj dawamında T.Kuziev Berdaq atındaǵı Qaraqalpaq ádebiyatı tariyxı mámleketlik muzeyinde bolıp, muzey jumısları menen jaqınnan tanıstı hám muzeyde alda isleniwi kerek bolǵan jumıslar boyınsha tiyisli tapsırmalar berip ótti.