18-MAY - XALÍQARALÍQ MUZEYLAR KÚNI
Hár jılı 18-may sánesinde pútkil dúnyada Xalıqaralıq muzeyler kúni keńnen belgilenedi.
Bayram múnásibeti menen Berdaq atındaǵı Qaraqalpaq ádebiyatı tariyxı mámleketlik muzeyinde ilaj shólkemlestirildi. Ilajda Qaraqalpaqstan Respublikası Mádeniy miyras basqarmasınıń baslıǵı Q.Sharipov hám basqarma qánigeleri muzey jámáátin kásiplik bayramı menen qızǵın qutlıqladı. Q.Sharipov óziniń qutlıqlawında muzeyler xalıqtıń ruwxıy dúnyası, tariyxı hám mádeniy miyrasların qásterlep saqlawda áhmietli orın ieleytuǵının ayrıqsha atap ótti. Sonday-aq, ol muzey xızmetkerleriniń tınımsız miyneti, izleniwleri, háreketleri arqalı jas áwladqa bay mádeniy miyrastı jetkeriw baǵdarındaǵı xızmetlerin joqarı bahaladı.Ilaj dawamında muzeyde nátiyjeli jumıs alıp barıp atırǵan bir qatar xızmetkerler Mádeniy miyras basqarması tárepinen "Húrmet jarlıǵı" hám estelik sawǵaları menen sıylıqlandı.
