Kamal Mámbetovtıń 85 jıllıǵına baǵıshlanǵan «Qádiri bálent insan» atamasındaǵı ádebiy, saz-sáwbetli keshe

Berdaq atındaǵı Qaraqalpaq ádebiyatı tariyxı mámleketlik muzeyinde « Filologiya ilimleriniń doktorı, professor, Berdaq atındaǵı mámleketlik sıylıqtıń laureatı» Kamal Mámbetovtıń 85 jıllıǵına baǵıshlanǵan «Qádiri bálent insan» atamasındaǵı ádebiy, saz-sáwbetli keshesi bolıp ótti. Kesheni muzeyimiz direktorı Sh.Payzullaeva ashıp berdi. Bunnan soń, J.Qaniyazova- «K.Mámbetovtıń prozası», B.Joldasbaeva-K.Mámbetov-«Qaraqalpaq ádebiyattanıw ilimindegi kórnekli ilimpaz», Z.Qojıqbaeva-«Qaraqalpaqstanda jurnalist kadrlardı tayarlawda professor K.Mámbetovtıń xızmetleri» atlı bayanatları menen qatnastı. Ádebiy keshe dawamında K.Mámbetovtıń ómiri xám dóretiwshiligine baǵıshlanǵan video rolik tamashalandı. Ózbekstan mámleketlik kórkem-óner xám mádeniyat institutı Nókis filialı, Qaraqalpaq mámleketlik universiteti studentleri xám Xojeli rayonlıq №5-sanlı balalar muzıka hám kórkem-óner mektebiniń oqıwshıları tárepinen qosıklar hám saxnalıq kórinisler keshe sońına juwmaq jasadı. Jazıwshınıń ilimiy hám ádebiy bay miyrası keleshek áwladlar tárepinen ele de úyreniledi hám izertlenedi dep isenemiz.