​9-may - «Eslew hám qádirlew» kúni

9-may - «Eslew hám qádirlew» kúni aldınan muzey fondında saqlanıp kiyatırǵan estelik súwretti Sizlerdiń názerińizge usınıp atırmız.

Súwrettegi insanlar 1941-1945-jılları Ekinshi jer júzlik urısqa qatnasqan watanlaslarımız. Bizdegi bar maǵlıwmatlar boyınsha súwrettegi bul úsh insannıń biriniń ismi Amaniyaz Saparov, ekinshisiniń ismi Seytnazar Madrasuliev (Qońırat rayonınan, burınǵı «Engels» kolxozı, 8-a/s), úshinshisi Tursınbay Xojaniyazov (Qaraózek rayonı, «Mádeniyat» a/s, burınǵı «Lenin» kóshesi, 4-jayda jasaǵan) lar ekenligi anıq.

Lekin, qaysı biri Seytnazar, Tursınbay hám Amaniyaz ekenliklerin anıqlaw imkaniyatı bolmadı. Egerde kimde kim usı súwrettegi insanlardı tanısa qosımsha maǵlıwmatlar berip qalıwıńızdı soranamız...