9-MAY «ESLEW HÁM QÁDIRLEW» KÚNI !
1941-1945-jılları bolıp ótken Ekinshi jer júzlik urıs qatnasıwshılarınıń jeńiske erisken kúni. Biziń jerleslerimiz arasınan urısqa qatnasqan jazıwshı-shayırlarımızdıń da isimleri mángi saqlanıp kelmekte. Olar arasında jazıwshı J.Aymurzaev, A.Bekimbetov, T.Seytjanov, B.Qayıpnazarov hám X.Seyitovlardıń shıǵarmalarında usı urıs nápesi dóretilgen. Sonday-aq, muzey fondında Qaraqalpaqstan aymaǵında jasap ótken, ekinshi jer júzlik urıs dáwirinde urıs maydanlarında kindik qanı tamǵan jerge saǵınısh, ata-anaǵa degen muxabbat hám de bir-birewge degen doslıq haqqında jırlap ótken insanlardıń da qol jazba qosıqları saqlanıp kelinbekte. Olar arasında urısqa qatnasıp, ata-anasın, óz úyin, tuwǵan jerin, dos-yaranların saǵınıp diydarın kóre almay ketken jerlesimiz Seytnazar Madrasuliev degen insannıń óz qollları menen jazǵan qol jazbaları saqlanǵan. Ol kisi óz keshirmelerin qoyın dápterine jazıp qaldırıwǵa háreket etken.
