7-may Qaraqalpaq prozasınıń bayteregi- T.Qayıpbergenovtıń   tuwılǵan kúni !

T.Qayıpbergenov 1929 – jılı 7 – mayda Kegeyli rayonında diyxan shańaraǵında tuwılǵan. 1944 – 1945 jılları bolajaq jazıwshı ele awıldaǵı mektepte oqıp júrgen waqıtlarında – aq uqıplı, talantlı, ziyrek hám kóp oqıwdı qáleytuǵın quntlı oqıwshı sıpatında kózge túsip, ózi 6 – 7 – klassslarında oqıp júrip ol usı mekteptiń 2 – 4 – klasslarına sabaq bergen. Mektepti pitkerip bolıp, Xojeli qalasındaǵı pedagogikalıq bilim jurtına oqıwǵa tusip, onı pitkergennen soń ózi tuwılıp ósken awılında ustazlıq etiw menen birge ádebiyatqa da qızıǵıp baslaydı. 1950 – 1955 – jıllar aralıǵında Karaqalpaq mámleketlik pedagogikalıq institutınında oqıp, rus tili hám ádebiyatı páni oqıtıwshısı qánigeligin ieleydi. Oqıwın tamamlaǵannan soń, onıń baslı maqseti jazıwshı bolıw edi. Ol dóretiwshilik jumısları menen birgelikte lawazımlı hám jamietlik jumıslardı da teńdey alıp bara aldı.