Ózbekstan Qaharmanı, Ózbekstan hám Qaraqalpaqstan xalıq shayırı     Ibrayım YUsupovtıń tuwılǵanına (1929-2008) 96 jıl tolmaqta.

Onıń tuńǵısh qosıqlar toplamı 1955-jılı «Baxıt lirikası» bolıp tabıladı. Soń «Kún shıǵıs jolawshısına», «Oylar», «Jeti asırım », «Ǵarrı tuttaǵı gúz», «Dala ármanları», «Zaman aǵımı», «Keӯil kewilden suw isher», «Dala orfeyi», «Yosh», Shıǵarmalarınıń eki tomlıǵı, «Dáwir samalları», «Alasatlı dúnya bul», «Duzlı samallar», «Kewildegi keń dúnya», «Úmit jaǵısı», «Tańlawlı shıǵarmalarınıń eki tomlıǵı», «Begligińdi buzba sen», «Búlbil uyası», «Ómir saǵan ashıqpan», «Hár kimniń óz zamanı bar» atlı qosıqlar hám poemaları qaraqalpaq poeziyasın bayıttı.

Muzeyimizde bul dóretiwshi insanǵa arnalǵan kórgizbeler zalı shólkemlestirilgen bolıp, onda olardıń shıǵarmaları, uslap tutqan buyımları, hár qıylı ushırasıwlardan alınǵan foto súwretler hám shayır haqqında ilimpazlardıń biybaha pikirleri jámlengen.