​Muzeyimiz jańa eksponatlar menen tolıspaqta.

Nókis qalası, "Altın ásir" kóshesi 15-jay turǵını Latipov Qádirqul aǵa tárepinen muzeyimiz ǵáziynexanasına litografiya (tasbaspa) usılında basılǵan Xoja Áxmed Yassawiydiń «Diywani hikmet» kitabı tapsırıldı. Tasbaspa kitap tolıq saqlanǵan, biraq betleri qoparılǵan, ernegi tawar menen tigilgen. XX ásirdiń basında baspadan shıqqan kitap.

XIX ásir hám XX ásir basında qaraqalpaq kitapqumarları arasında sufizm ádebiyatı, ásirese Xoja Áxmed Yassawiy hikmetleri kóp tarqalǵanlıǵınıń gúwası bolamız.

Baslanıwı:

Bismilla dep, bayan áyley hikmet aytıp,

Talıblarǵa dúrrúw-gáwhar sachtım mine,

Riyazatnı, qattıǵ tartıp qanlar yutıp,

Men dáftári sániy sózin ashtım mine…