Qazı Máwliktiń jaynamaz retinde paydalanǵan tutınıw buyımı muzeyge sawǵa retinde tapsırıldı.

Qaraqalpaq ádebiyatında belgili tulǵalardıń biri Máwdid Bekmuxammed (Qazı Máwlik) ulı 1885-jılı Shımbayda ulama shańaraǵında dúnyaǵa kelgen. Máwdid Bekmuxammed (Qazı Máwlik) ulı dáslepki bilimin Karaqum iyshan medresesinen alǵan. Medreseni pitkergennen keyin bilimin ele de rawajlandırıw máksetinde ákesi Bekmuxammedtiń usınısı menen Buxaradaǵı Kókaltash medresesinde oqıwın dawam etedi. Buxarada turıp ákesi menen xat alısıp turǵan. Xatlarınıń birinde Bekmuhammed balası Máwlikke Kókaltash medresesiniń kitapxanasındaǵı bay maǵlıwmatlar haqqında xabar beredi hám sol miynetlerden nusqa kóshiriwdi máslahát etken. Muzeyde shólkemlestirilgen Qazı Máwliktiń tuwılǵanına 140 jıl tolıw múnásibeti menen bolıp ótken keshede Qazı Máwliktiń balası Sadulla, onıń balası Salamat Medetov tárepinen Qazı Máwliktiń jaynamaz retinde paydalanǵan tutınıw buyımı muzeyge sawǵa retinde tapsırıldı.

Muzey jámááti atınan Qazı Máwlik Bekmuxammed ulınıń bárshe áwladlarına minnetdarshılıq bildirip qalamız.