Muzeyimiz jańa eksponatlar menen tolıspaqta

Qaraqalpaq xalqınıń ataqlı qosıqshısı Ózbekstan, Qaraqalpaqstan hám Bashqurtstan xalıq artisti, Berdaq hám Hamza atındaǵı mámleketlik sıylıqlardıń laureatı, “Doslıq” hám “El-yurt hurmati” ordenleriniń iyesi Bayram Matchanovtıń Qaraqalpaq mádeniyatına qosqan úlesi ullı.

Qaraqalpaq qosıqshılıq óneriniń rawajlanıwına salmaqlı úles qosqan Bayram Matchanovtıń úy arxivinde saqlanıp kiyatırǵan ózine tiyisli hújjetleri, kitapları, portreti, fotosúwretleri hám t.b. zatların B.Matchanovtıń qızı Shoxista Matchanova tárepinen muzeyimizge sawǵa retinde tapsırıldı.