Qorazbek  shayırdıń 170 jıllıǵı hám Qazı Máwlik Bekmuxammed ulınıń 140 jıllıǵına baǵıshlanǵan «Olar kátipler edi» atamasında ádebiy keshe

Berdaq atındaǵı Qaraqalpaq ádebiyatı tariyxı mámleketlik muzeyinde Qorazbek shayırdıń 170 jıllıǵı hám Qazı Máwlik Bekmuxammed ulınıń 140 jıllıǵına baǵıshlanǵan «Olar kátipler edi» atamasında ádebiy keshe bolıp ótti. Kesheni muzey direktorı Sh.Payzullaeva kiris sóz benen ashıp berdi. Ilajǵa Qazı Máӯlik Bekmuxammed ulınıń áwladları, derektanıwshı, muzeydiń aǵa ilimiy xızmetkeri A.Idrisov, filologiya ilimleri boyınsha filosofiya doktorı(PhD) K.Matimov, Ózbekstan hám Qaraqalpaqstan Jazıwshılar awqamınıń aǵzası, belgili shayır hám qıssaxan R.Otarbaevlar óz bayanatları menen qatnastı.

Ádebiy keshe qatnasıwshılarına Korazbek shayırdıń ómiri hám dóretiwshiligi, sonday-aq Qazı Máwlik Bekmuxammed ulınan bizge miyras bolıp qalǵan qol jazbalardıń búgingi kúndegi áhmieti haqqında maǵlıwmatlar berildi. Keshe sońında Shımbaylı qıssaxan Q.Jumaniyazovtıń atqarıwında qıssa jolı menen kosıqlar oqıldı.