XALÍQARALÍQ BIRGE ISLESIW

Berdaq atındaǵı Qaraqalpaq ádebiyatı tariyxı mámleketlik muzeyinde onlayn formatta ushırasıw bolıp ótti. Jaqında muzeyimiz benen Qazaqstan Respublikasındaǵı Buxar jıraw atındaǵı ádebiyat hám kórkem óner muzeyi arasında óz-ara birge islesiw shártnaması imzalanǵan edi. Onlayn ushırasıwda Qazaqstan Respublikasındaǵı Buxar jıraw atındaǵı ádebiyat hám kórkem óner muzeyi menen birgelikte aldaǵı waqıtları óz-ara birge islesiw jumısları barısı haqqında sáwbetlesti. Ilajda muzeyimiz direktorı Sh.Payzullaeva, Buxar jıraw atındaǵı ádebiyat hám kórkem óner muzeyi direktorı E.Kairovlar shıǵıp sóylep, hár eki muzeyde alıp barılıp atırǵan jumıslar haqqında pikirler almastı.