Berdaq ullı adamlar názerinde

Pushkin – rus xalqı, Shevchenko – ukrain xalqı, Rustaveli – gruzin xalqı, Nawayı - ózbek xalqı, Maqtımqulı – túrkmen xalqı, Abay – qazaq xalqı ushın qanday qádirli bolsa, Berdaq ta qaraqalpaq xalqı ushın sonday qádirli. Berdaq – qaraqalpaq klassik ádebiyatınıń shıńı.

M.K.Nurmuxummedov, akademik.

Berdaq babamız qaraqalpaq xalqı haqqında jer jáhánge, keleshek áwladqa jar salıp turıptı. Ol búgingi zamanda tek qaraqalpaqlardıń ǵana emes, al kópshilik xalıqlardıń izzet-húrmetine miyasar.

A.Aripov, Ózbekstan qaharmanı.

Berdaq – qaraqalpaq xalqınıń birinshi tariyxshısı da bolıp tabıladı.

S.P.Tolstov.

Berdaq tvorchestvosı tek qaraqalpaq ádebiyatında ǵana emes, kóp milletli Watanımız tariyxında úlken orın ieleydi. Onıń demokratiyalıq ideyaları xalıq danıshpanları arasınan ósip jetisken ....

Berdaq kóp milletli tuwısqan ádebiyattıń tuw shoqqısınıń biri.

Sh.Aytmatov.

Berdaq edi shayırlardıń danası,

Sózine iyildi adam balası.

Ótesh shayır.

qaraqalpaqstandı poeziya eli dep atawǵa haqılımız ..... Burın qaraqalpaqlardıń “Sahra búlbili” dep biykarǵa atamaǵan. qaraqalpaq shayırı Berdaq ta ózin “Xalıqtıń sahrada ósken búlbili” dep atawı qalıy emes.

K.YAshin.

Berdaqtıń ullılıǵı, onıń tek xalıqqa xızmet etkenliginde yaki bılayınsha aytqanda, xalıqtan shıqqanlıǵında ǵana emes, al Berdaqtıń ózi – qaraqalpaq xalqı ekenliginde. Berdaq – xalıqta, xalıq Berdaqta jasadı.