"Assalam Nawrız"
29-mart kúni Berdaq atındaǵı Qaraqalpaq ádebiyatı tariyxı mámleketlik muzeyinde Nawrız bayramı keshesi shólkemlestirilip, qaraqalpaq xalqınıń milliy kiyim-kenshek, milliy tutınıw buyımlarınıń, milliy taǵamlardıń kórgizbesi shólkemlestirildi. Bayram keshesinde Qaraqalpaqstan Respublikası Mádeniy miyras basqarması baslıǵı Q.Sharipov, muzey direktorı Sh.Payzullaeva, shıǵıp sóylep jıynalǵanlardı bayram menen qutlıqlap, pútkil xalqımızǵa, dóretiwshilik islerdiń átirapına jámlengen, bıyılǵı jıldan úlken úmitler kútip jasap atırǵan hár bir insanǵa ońınan keliwin tiledi. Bayram ilajında jas talant ieleriniń atqarıwındaǵı qosıqlar, sonday-aq, teatrlastırılǵan bayram tamashaları bárshede ózgeshe tásirler qaldırdı.
