«18-MAY XALÍKARALÍQ MUZEYLER KÚNI» múnásibeti menen xudojnik Barlıqbay Aytmuratovtıń shıǵarmaları kórgizbesi

«18-MAY XALÍKARALÍQ MUZEYLER KÚNI» múnásibeti menen xudojnik Barlıqbay Aytmuratovtıń shıǵarmaları kórgizbesi
Muzeyimiz diywallarındaǵı rospisler hám baxalı kartinalar belgili qılqálem iesi, «Qaraqalpaqstan xalıq xudojnigi» B.Aytmuratovtıń dóretiwshiligine tiyisli.
Bul shıǵarmalar muzey ekspoziciyasınıń kórkemlik qunın arttırıp ǵana qoymastan, keliwshilerdi xalqımızdıń bay tariyxı, mádeniyatı hám ruwxıy miyrası menen de jaqınnan tanıstıradı.
Bul kartinalar arasında
❝ «Xalıq ushın», «Berdaq baqsı miyman boldı», «Berdaq ólgende» sıyaqlı shıǵarmaları ayırıqsha orın ieleydi. Bul kartinalar arqalı ullı shayır Berdaqtıń ómiri, xalıq arasındaǵı abırayı hám sol dáwirdiń kelbeti sáwlelengen. ❞
Xudojnik shıǵarmalarında tek ǵana waqıyalar kórsetilip qoymastan, sol dáwirdegi insan sezimleri, xalıqtıń turmıs-tárizi hám mádeniyatı da sheberlik penen jetkizilgen.
Hár bir shıǵarma ózine tán mazmun hám kompoziciyalıq ózgeshelikke ie bolıp, onda xudojniktiń názik talǵamı, kórkem oylaw sheberligi hám úlken miyneti kórinedi.