Tájetdin Seytjanov
Tájetdin Seytjanov — shayır hám dramaturg
Qaraqalpaqstan xalıq shayırı Tájetdin Seytjanov 1924-jıl 5-may kúni Kegeyli rayonında tuwılǵan. 1942-jılı Ekinshi jáhán urısına qatnasıp, jaradar bolıp 1945-jılı elge qaytadı. 1948-jılı Qaraqalpaq mámleketlik pedagogikalıq institutın tamamlaǵan. Sońınan mektep direktorı, rayonlıq jaslar komitetiniń birinshi xatkeri bolıp islegen.1952–1954-jılları Tashkentte partiya mektebinde oqıdı. Keyin «Jas Leninshi» gazetasında, radiokomitette aǵa redaktor, oblastlıq partiya komitetinde instruktor boldı. Sonday-aq «Ámiwdárya» jurnalı, filarmoniya, mádeniyat bólimi, televidenie hám radio tarawlarında basshılıq lawazımlarda xızmet etti. 1986-jıldan Jazıwshılar awqamında isledi. Dáslepki shıǵarmaları 1940-jıllardıń aqırlarında jarıq kórdi.
Onıń toplamları:
— «Azamat jırı» (1955)
— «Ziyba» (1959)
— «Qanatlı jaslıq» (1960)
— «Ayna aldındaǵı sóz» (1965)
— «Báhár seni saǵındı» (1975)
— «Muhabbatnama» (1976)
— «Ómir filosofiyası» (1979)
— «Meniń arifmetikam» (1983)
— «Tasqın» (1990)
Dramaları:
«Qırlı soqpaqlar» (1958)
«Kúygelek kózli yar» (1959)
«Tınımsız tolqınlar» (1964)
«Jalın» (1969)
«Ábiw Rayxan Beruniy» (1973)
Nekrasov, Shevchenko, Nazım Hikmet, Rasul Ǵamzatov shıǵarmaların qaraqalpaq tiline awdardı.
«Qaraqalpaqstan xalıq shayırı» (1974)
«Qaraqalpaqstan Respublikasına miyneti sińgen mádeniyat xızmetkeri» (1969)
«Dańq» ordeni hám basqa da sıylıqlar iesi
1955-jıldan Jazıwshılar awqamınıń aǵzası.
