Watan qorǵawı jolında úlken batırlıq hám erlik úlgisin kórsetken insanlar

Ekinshi jer júzilik urıs jıllarında qaraqalpaq xalqınıń kóplegen jazıwshı hám shayırları tek ǵana dóretiwshilik penen sheklenip qalmastan, el basına túsken awır sınawlı kúnlerinde qolına qural alıp, maydan saplarında xızmet etti. Solar qatarında belgili jazıwshı hám shayırlar J.Aymurzaev, B.Qayıpnazarov hám T.Seytjanovlar da urıs maydanlarında bolıp, Watan qorǵawı jolında úlken batırlıq hám erlik úlgisin kórsete aldı.

Al, urısqa tikkeley qatnaspaǵan shayırlar da óziniń jalınlı shıǵarmaları arqalı xalıqtı jigerlendirip, jeńiske bolǵan isenimdi bekkemledi. Ásirese, A.Dabılovtıń «Jeńgen jaqsı», S.Nurımbetovtıń «Perzentim» qosıqları sol dáwirdegi xalıqtıń kewline ruwx berip, awır kúnlerinde úmit hám ǵayrat baǵıshladı.

Búgingi kúnde muzey fondında urısta qatnasqan jazıwshı hám shayırlarǵa tiyisli eksponatlar saqlanbaqta. Atap aytqanda, olardıń maydandaǵı erlikleri ushın berilgen medalları hám ordenleri, sonday-aq óziniń kúndelikli turmısında paydalanǵan jeke buyımları orın alǵan.