​«JAS ÓNERMENTLER» KÓRGIZBESI

«JAS ÓNERMENTLER» KÓRGIZBESI

Muzeyimizde Berdaq atındaǵı Qaraqalpaq mámleketlik universitetiniń Kórkem-óner fakulteti studentleri — jas ónerment hám xudojnikler — Mehrigúl Amaniyazova, Rayxan Nawrızbaeva hám Aynazar Uzaqbaevtıń «JAS ÓNERMENTLER» atlı dóretiwshilik kórgizbesi bolıp ótti. Ashılıw máresimine Ózbekstan Kórkem-óner akademiyası Qaraqalpaqstan bólimi baslıǵı U.Utegenova, Respublikamızǵa belgili xudojnikler hám student jaslar qatnasıp, jas dóretiwshilerge joqarı baha berdi. Bul sıyaqlı ilajlar kórkem-ónerimizdiń rawajlanıwında áhmietli ekenligi atap ótildi. Kórgizbede zamanagóy milliy koloritti sáwlelendiriwshi kompoziciyalar hám qol óneri úlgileri qoyıldı. Hár bir shıǵarmada dóretiwshiniӊ ruwxı hám kórkem-ónerge muhabbat ayqın seziledi. Bul kórgizbe jas talantlar ushın kórkem-óner maydanına qoyılǵan qádem bolıp, olardı jańa jetiskenliklerge ilhamlandıradı.