Muzeyimiz jańa eksponatlar menen tolıspaqta

1850-jıllardan berli saqlanıp kiyatırǵan Dawıt iyshannıń HASA TAYAǴÍ!

Bul qádirli amanat Rabiybi apa Rafatdin qızı tárepinen muzeyge tapsırıldı. Rabiybi apa1940-jılı tuwılǵan. Maǵlıwmatlarǵa qaraǵanda, Dawıt iyshannıń axun bolǵan Asan hám Úsen degen egiz perzentleri bolǵan. Rafatdin iyshan — Asan axunnıń áwladı, al Rabiybi apa Dawıt iyshannıń hasa tayaǵın saqlap kiyatırǵan jetinshi áwlad bolıp tabıladı. Áwladtan-áwladqa jetken bul amanat, tariyxtıń sesindey bolıp bizge sır shertedi. Qolına uslaǵan hár bir adamǵa ótmishten xabar beredi.