​9-aprel «Ullı mámleketlik ǵayratker hám sárkarda Sahıpqıran Amir Temur tuwılǵanına 690 jıl

9-aprel «Ullı mámleketlik ǵayratker hám sárkarda, ilim, mádeniyat hám kórkem óner qáwenderi Sahıpqıran Amir Temur tuwılǵanınıń 690 jıllıǵı» múnásibeti menen Ózbekstan Respublikası Ishki isler Ministrligi Nókis Temurbekler mektebi áskeriy akademiyalıq liceyi oqıwshıları hám ustazları muzeyimizge sayaxat shólkemlestirdi. Sayaxat dawamında oqıwshılar muzey ekspoziciya zalları boylap arnawlı ekskursiyanı tamashalaw menen bir qatarda, qaraqalpaq ádebiyatında óziniӊ biybaha shıǵarmaları menen iz qaldırǵan shayır, jazıwshı hám ilimpazlardiӊ miynetleri olardıӊ ómir jolı haqqında maǵlıwmatlarǵa ie boldı hám de ózlerin qızıqtırǵan sorawlarına juwaplar alıwǵa eristi.