«Qızıń gózzal bolsın, shayıra bolsın...»

Berdaq atındaǵı Qaraqalpaq ádebiyatı tariyxı mámleketlik muzeyinde «Qızıń gózzal bolsın, shayıra bolsın...» atamasındaǵı bayram ilajı bolıp ótti. Ilaj Nókis mámleketlik Texnika universiteti hám Qaraqalpaq mámleketlik universiteti menen birgelikte shólkemlestirilip, Zulfiya Israilovanıń ómiri hám dóretiwshiligine baǵıshlandı. Ilajdı muzeydiń XIX ásir Qaraqalpaq ádebiyatı bólimi baslıǵı Sh.Embergenova ashıp berdi. Ilaj barısında studentler tárepinen shayırdıń ómiri, shıǵarmaları haqqında maǵlıwmatlar berilip, saxnalıq kórinis hám videorolik kórsetildi. Studentler tárepinen tayarlanǵan ayaq oyınlar keshege ayırıqsha kórik baǵıshladı.