​«GÚLLERGE ShAYDA BOLǴAN ShAYÍR»

«GÚLLERGE ShAYDA BOLǴAN ShAYÍR»

Gúllerdi jazarman, gúller berer yosh,

Gúller arasında júrsem kewlim xosh,

Diydar nesip etse, kórgiń kelse dos,

Meni kúter bolsań, gúller menen kút.

Berdaq atındaǵı Qaraqalpaq ádebiyatı tariyxı mámleketlik muzeyinde Bayniyaz Qayıpnazarovtıń 110 jıllıǵına baǵıshlanǵan «GÚLLERGE ShAYDA BOLǴAN ShAYÍR» atamasındaǵı ádebiy hám saz-sáwbetli keshesi bolıp ótti. Dáslep muzey direktorı Sh.Payzullaeva kesheni kiris sóz benen ashıp, B.Qayıpnazarovtıń qaraqalpaq ádebiyatınıń rawajlanıwına qosqan úlesine toqtaldı. Sonday-aq shayır poeziyasınıń kórkemligi, watanǵa, ana-tábiyatqa bolǵan tereń muhabbatı onıń kórkem qosıqlarında sheber súwretlengenin atap ótti. Ilajda Ózbekstan Mámleketlik Kórkem-óner hám mádeniyat institutı Nókis filialınıń oqıtıwshısı A.Jaksımuratova, QMU niń Qaraqalpaq ádebiyatı kafedrası 3-kurs tayanısh doktorantları—B.Joldasbaeva hám G.Qabılova — B.Qayıpnazarovtıń ómiri hám dóretiwshiligi boyınsha tayarlaǵan mazmunlı bayanatları menen qatnastı. Ózbekstan Mámleketlik filarmoniyasınıń Nókis filialı tárepinen janlı hawazda atqarılǵan qosıqları kesheniń kewilli hám kóterińki keypiyatta ótiwine xızmet etti.