​MUZEYDE JAŃALÍQ

Berdaq atındaǵı Qaraqalpaq ádebiyatı tariyxı mámleketlik muzeyinde Qaraqalpaqstan Respublikası Mádeniy miyras basqarmasınıń jumısın 2026-jılǵı rawajlandırıw boyınsha ámelge asırılatuǵın «Jol kartası»nda jasalma intellektlerden imkaniyatlı paydalanǵan halda muzeydegi saqlanıp atırǵan tariyxıy shaxslardıń portretlerin janlandırıw boyınsha «Sóylewshi portretler» kollekciyasın qáliplestiriw wazıypası belgilengen. Búgingi kúnde bul jańalıqtıń birinshi basqıshı ámelge asırıldı.

ARtifact veb-interfeys platforması arqalı paydalanıwshılar kameranı portret yamasa eksponatqa qaratıw arqalı qaharmanlar haqqında maǵlıwmatlardı ashıp beriw imkaniyatı jaratıldı. Siz bunda qaraqalpaq klassikalıq ádebiyatı wákilleri bolǵan Berdaq, Ájiniyaz hám Kúnxoja shayırlarımız haqqında QR kodtı basıp, olar haqqındaǵı maǵlıwmatlardı alıw múmkinshiligine iye bolasız.