Muzeyimiz jańa eksponatlar menen tolıspaqta

Muzeyimiz fondına jáne bir qunlı eksponat kelip tústi. Nókis qalası turǵını Nazarımbetova Raziya Nurımbetovna dayı atasınan miyras bolıp qalǵan arab jazıwındaǵı eski qoljazbanı muzeyge sawǵa retinde tapsırdı. Musılman xalıqlarında eski mekteplerde oqıwshılar alıp júriwi hám paydalanıwı qolay bolıwı ushın Quranı kárimniń jetiden biri (Fatiha súresi, Baqara súresiniń dáslepki ayatları, YAsin súresi hám Fath súresinen Qurannıӊ aqırına shekem) ѳz aldına kitap halında túplenip Hafti-yak (jetiden biri) dep atalǵan. Xalıq tilinde Áptúek dep atalıp ketken. Áptúek eski qaraqalpaq mekteplerinde arab álipbesin úyrenip bolǵannan keyin oqıtılatuǵın dáslepki kitap bolǵan.