OTAW-QARA ÚY

10-dekabr kúni Hindistannıń Nyu-Dehli qalasında bolıp ótken Materiallıq emes mádeniy miyrastı qorǵaw boyınsha Xalıqaralıq komitetiniń XX sessiyasında jáne bir mádeniy miyrasımız Otaw-qara úy YUneskonıń Materiallıq emes mádeniy miyras dizimine rásmiy túrde kirgizildi.

OTAW-QARA ÚY-dúzilisi, kórinisi hám bezeliwi menen qaraqalpaq xalqınıń tiykarǵı ózgesheligin kórsetetuǵın uzaq ásirler dawamında saqlanıp kiyatırǵan milliy miyraslarınıń biri. Otaw tiykarınan kerege, uwıq, shańaraq, ergenek, bosaǵa hám tulǵadan turadı. Bári birigip otawdıń korpusın quraydı.

Ol qurıp jıǵılıwı quramalı, tez tigiledi, tez jıyıladı. Qara úy jıllılıqtı jaqsı saqlaydı, sonıń ushın tek jazda emes al, qısta da jasaǵan, qısta jıllı, jazda salqın. Suwıqtan, ıssıdan, samaldan saqlaydı.