Seyfulǵabit Májitovtıń 155 jıllıǵı

2024-jıl 5-mart kúni Berdaq atındaǵı Qaraqalpaq ádebiyatı tariyxı mámleketlik muzeyinde qaraqalpaq ádebiyatınıń kórnekli wákili, dramaturg, prozaik, pedagog, shayır hǝm awdarmashı Seyfulǵabit Májitovtıń 155 jıllıǵına baǵıshlanǵan «Jańasha bilimge jol ashqan shayır» atamasındaǵı ádebiy keshe bolıp ótti. Kesheni muzey direktorı Sh.Payzullaeva basqarıp bardı. Ilajda belgili ilimpazlar Q.Seytmuratov- pedagogika ilimlerinin kandidatı, docent-«S.Májitovtıń jadidshilik-aǵartıwshılık xızmetleri hám tálim-tarbiyalık oy-pikirleri», B.Dilanov-filologiya ilimleriniń kandidatı, docent - «S.Májitov-aǵartıwshı babamızdıń biybaha miyrası», A.Idrisov - Berdaq atındaǵı Qaraqalpaq ádebiyatı tariyxı mámleketlik muzeyi aǵa ilimiy xızmetkeri- «S.Májitov - arab jazıwına tiykarlanǵan birinshi qaraqalpaq álipbesiniń ilimiy áhmieti», Q.Nájimov-QMU Tariyx fakulteti dekan orınbasarı- «Xorezm hám Qaraqalpaqstanda jadid usılındaǵı mektepleriniń ashılıwı haqqında derekler» atamasındaǵı bayanatları menen qatnastı.Keshemizge S.Májitovtıń áwladları, aqlıq-shawlıq, quwlıqları qatnasıp shıǵıp sóyledi. Keshe sońında universitet quramındaǵı Repressiya qurbanların eslew muzeyiniń kóshpeli kórgizbesi menen jaqınnan tanıstı.